Puntu banaketa Alavesen eta Lugoren artean (0-0)

Alavesek laugarren partida berdindu du jarraian eta sei jardunaldi daramatza jada garaipenik lortu gabe. Hala ere, arabarrek 50 puntu dituzte eta bigarren jarraitzen dute sailkapenean, atzetik dauden taldeek aldea murrizten duten ala ez ikusteko zain.

Lugo ondo aritu da lehen minutuetan eta zortzigarren minutuan lehen aukera argia izan dute.

Arabarrek ere arriskua sortu du Manu Barreirok egindako jaurtiketa baten bidez.

Ordu erdia bete ostean, neurketak behera egin du, eta bi taldeak ezinean aritu dira, fundamentu handirik gabe.

Pelegrinen aukera

Bigarren zatian izan dute gasteiztarrek partidako aukerarik onena, baina Pelegrinek buruz egindako erremateak langan jo du.

Dani Pachecok ere aukera izan du, baina bere errematea kanpora atera da.

Fitxa teknikoa:

0 - Alaves: Pau Torres, Femenía, Laguardia, Pelegrín, Raúl García, Mora, Manu García (Sergio Llamas, 86. min), Juli (Dani Abalo, 82.min), Pacheco, Toquero (Asier Benito, 69. min), Manu Barreiro.

0 - Lugo: José Juan, Lemos, Hernández, Dealbert, Manu, Iriome, Pita, David López (Igor Martínez, 64.min), Campillo (Cendrós, 92.min), Pereira (De Coz, 84.min), Caballero.