Zapore mingotsa duen puntua lortu du Alavesek etxean (0-0)

Alavesek eta Zaragozak puntu bana lortu dute Mendizorrotzan jokatutako partida hutsean bukatu ostean. Arabarrek jokalari bat gehiagorekin jokatu dute bigarren zati osoan, baina ez dira gai izan egoera horri etekina ateratzeko.

Epaileak Culio kalera bota du 44. minutuan bigarren txartel horia atera ostean. Erabaki zorrotza izan da.

Hala ere, Aragoikoek ez dute Culioren hutsa asko nabaritu, eta Alavesi aurre egin diote. Bordalasen taldeak bi aukera argi bakarrik sortu ditu bigarren zatian.

Alavesi ideiak eta punteria falta izan zaizkie azken metroetan. Ondorioz, ezin izan dituzte hiru puntuak lortu Leganesi lehen postua kentzeko. Hala ere, bigarren jarraitzen dute.

Arabarrek lau neurketa daramatzate garaipenik lortu gabe; hiru berdinketa eta porrot bat lortu dituzte.

Fitxa teknikoa:

0 Alaves: F. Pacheco, Estrada, Laguardia, Borda, Raúl García, Manu García, Beobide (Sergio Llamas, 67. min), Femenía (Manu Barreiro, 67. min), D. Pacheco (Guichón, 84. min), Juli, Toquero.

0 Zaragoza: Manu, Campins, Guitian, Cabrera, Rico, Erik Morán, Javi Ros (Dorca, 81. min) Culio, Pedro, Hinestroza (Manu Lanza, 71. min), Ángel (Rubén, m. 88).

FINAL en Mendizorroza. @Alaves 0 - Real Zaragoza 0. El equipo lo ha intentado hasta el final. ¡Esto sigue! #ALVvRZA pic.twitter.com/5HsNreTyL1

— Deportivo Alaves SAD (@Alaves) 6 de marzo de 2016