Majida Maayouf Europako txapeldunorde izan da maratoian

Majida Maayoufek bigarren postuan zeharkatu du Bruselako helmuga, eta zilarra eskuratu du maratoiko proban, ibilbideko lehen Europako Txapelketetan. Korrikalaria 2:27:41eko erlojupekoarekin amaitu du proba, Fatima Ouhaddou buru duen podiumeko bigarren postura igotzeko. Lonah Chemtai Salpeter israeldarra izan da hirugarren.

Basque Teameko kirolaria lehen postuan jarri da ibilbideko 15. kilometroan eta maratoi erdia bete arte mantendu du.

15. kilometroan egindako erasoan, faborito handien taldea desegin du. 30. kilometrotik aurrera, Lonah Salpeter israeldarrak, Hanne Verbruggenek, Majida Maayoufek eta Fatima Ouhaddouk osatu dute lasterketa burua.

Azken txanpan, Majidak eta Fatimak erasoa jo dute, Lonah eta Hanne atzean utzita. Hiru kilometroren faltan Ouhaddouk dena eman du Bruselako kaleetan, bakarrik garaipenaren bila joanez eta garaipena lortuz.

Banakako zilarrezko dominaz gain, Maayoufek urrea irabazi du taldeka, Ouhaddou Europako txapeldunarekin eta Esther Navarreterekin batera.