Bera Bera nagusitu da Zuazo Barakaldoren aurkako derbian (28-35)

Super Amara Bera Berak irabazi du larunbat honetan Zuazo Barakaldoren etxean Guerreras Iberdrola Ligako 23. jardunaldian jokatutako euskal derbia, 28-35eko emaitzarekin.

Partidaren lehen zatia oso parekatua izan da. Lehen minutuetan, gol trukea egon da, Donostiako taldeak hiru gol jarraian sartuta partidako lehen errenta lortu duen arte.

Hala ere, Bizkaiko taldeak (jaitsiera postuan dago) ez du markagailuko aldea handitzen utzi. 10-14koarekin heldu da errenta handiena, eta Bera Beraren aldeko bi goleko abantailarekin joan dira atsedenaldira (14-16).

Aldageletatik bueltan, Zuazok parekatu egin du markagailua. Hortik aurrera, kolpe trukea izan da; Bera Berak gola sartu duen bakoitzean Zuazok erantzun egin dio, eta etxekoek ez dute hiru goletik gorako aldea handitzen utzi.

Azken txanpan, baina, Gipuzkoako taldeak bost gol jarraian sartu ditu, eta Bera Bera nagusitu da azkenean (28-35).