Jaime Bustok irabazi du Trial Indoor X-Trail Munduko Txapelketako lehen proba

Jaime Bustok garaipen handia lortu du larunbatean Madrilgo Vista Alegre Arena pabiloian jokatu den Trial Indoor X-Trail Munduko Txapelketako lehen lasterketan.

Proba oso lehiatua izan da, eta Gorlizko pilotua (Gas Gas Factory Racing) azken unean gailendu zaio Toni Bou munduko txapeldunari. Garaipen horri esker, Busto da Munduko Txapelketako lehen liderra. Podiuma Adam Ragak osatu du.

Busto pozarren agertu da probaren ostean: "Super pozik nago denboraldiko lehen lasterketa horrela hasteagatik. Lehen bueltan apur bat urduri egon naiz, baina ondoren oso gustura ikusi dut neure burua".

"Denboraldia horrela hastea sinestezina da; espero dut mailari eustea eta Munduko Txapelketako titulua eskuratzeko lehian egotea", erantsi du.

Munduko Txapelketako hurrengo proba Chamberyn (Frantzia) jokatuko da, 2025eko urtarrilaren 11n.