Ancer, Hong Kongeko torneoko txapeldun; Jon Rahm, hamalaugarren

Abraham Ancerrek irabazi du LIV zirkuituko Hong Kongeko torneoa. Mexikarrak borroka estua izan du Paul Casey ingelesarekin eta Cameron Smith australiarrarekin, baina berdinketa hausteko lehian nagusi izan da. Casey izan da bigarren eta Smith hirugarren.

Joaquin Niemann txiletarra izan da azken jardunaldiko protagonistetako bat, parretik behera zazpi kolpeko txartela aurkeztuta. Horrela, bada, 198 kolperekin (-12), laugarren izan da. Carlos Ortiz (-4) mexikarra bosgarren izan da.

Jon Rahmek Ancer liderrarekiko sei kolpera ekin dio azken jardunaldiari, baina bizkaitarrak ez du egun ona izan, eta hamalaugarren amaitu du, bederatzigarrenarekin berdinduta. Torneoko azken egunean 69 kolpeko txartela aurkeztu du, hiru bogey eta lau birdie eginda. Guztira, 200 kolpeko txartelarekin (-10) amaitu du Hong Kongeko torneoa.