Rahm ia aukerarik gabe geratu da AEBko Irekian

Jon Rahm AEBko Irekia irabazteko ia aukerarik gabe geratu da txapelketako hirugarren jardunaldiaren ostean. Barrikakoa ez da ondo ibili The Los Angeles Country Club zelaian; ondorioz, Rickie Fowler eta Wyndham Clark liderrekiko oso urrun dago, jardunaldi bakarra falta denean.

Barrikakoak (Bizkaia) ez du hobetu hirugarren jardunaldian aurreko bi egunetan egindakoa. Bi birdie egin ditu lehen bederatzi zuloetan eta bi bogey hurrengo bederatzietan. Azkenean, +2ko txartelarekin amaitu du eguna, eta liderrekiko 12 kolpera dago sailkapenean.

Rickie Fowlerrek lidertzari eutsi dio, baina sailkapen nagusiko lehen postuan berdinduta dago Wyndham Clarkekin. Kolpe bakarrera dago Rory McIlroy (-9) eta hirura aurkitzen da Scottie Scheffler (-7).