Otaeguik irabazi du Andaluziako Mastersa

I. G. | EITB MEDIA

Golfari donostiarra parraz azpiko 19 kolperekin nagusitu zen, bigarren sailkatu den Joakim Lagergrenek baino 6 gutxiago. Garaipena ospatzeko, "American Pie" kanta ezaguna abestu zuen.

Orria entzun Orria entzun

Adrian Otaegui. Argazkia: EFE

Whatsapp
Whatsapp
twitt
Bidali
Esteka kopiatu

Albisteak (3)

Adrian Otaegui golfari donostiarrak bereganatu du igande honetan amaitu den Estrella Damm Andalucia Masters txapelketaren zortzigarren edizioa. Txapelketa joan den ostegunetik jokatu da, San Roqueko (Cadiz) Valderrama zelaian.

Otaeguik sei kolpeko abantaila erosoarekin lortu zuen txapelketa, DP World Tourrean eskuratzen duen laugarrena. Guztira, 19 kolpe erdietsi zituen parraz azpitik, zelaiko marka berria ezarriz. Izan ere, aurrekoa Sergio Garciarena zen -12rekin.

Joakim Lagergren suediarra izan zen bigarren, irabazlearengandik 6 kolpera, eta Min Woo Lee australiarra, joan den astean Madrilen Espainiako Openeko lehian egon zena, hirugarren.

Hitza beteta

Garaipena lortu ondoren, golf jokalari gipuzkoarrak kazetariei emandako hitza bete zuen, eta bere aukerako abesti bat kantatu zuen hedabideen aurrean. Donostiarrak Don McLean abeslari estatubatuarraren "American Pie" pieza ezaguna aukeratu zuen horretarako, eta ez zen batere gaizki moldatu.

¿¿¿Adrián Otaegui cumple su promesa y se marca una gran canción para celebrar su victoria en el Estrella Damm N.A Andalucía Masters.

¿American Pie - Adri Otaegui. #EDAM2022 pic.twitter.com/TVlv5SxKT2
— Estrella Damm N.A. Andalucía Masters (@edamvalderrama) October 16, 2022