Klara Olazabal eta Ander Elosegi, Munduko Salalom Txapelketako C-1 probako finaletik kanpo

Klara Olazabal eta Ander Elosegi ezin izan dira Munduko Salalom Txapelketako C-1 probako finaletarako sailkatu. Ausburgeko Mundialetan aurretik zuten azken proban, 17. Eta 28. postuak lortu dituzte hurrenez hurren.

Emakumezkoen proban, euskal ordezkariak 123.04 segundoko denbora egin du, 2 segundoko penalizazioa bilduz. Finaletako postuak hiru segundo eta erdira geratu dira Olazabalentzat. Urrea Andrea Herzog alemaniarrarentzat izan da, zilarra Jessica fox australiarrarentzat eta brontzea Mallory Franklin britainiarrarentzat.

Elosegik, aldiz, 114.38 segunduko denbora egin du bi segundoko penalizazioarekin. Finaletako postuak urruti geratu zaizkio gipuzkoarrari, bederatzi segundora. Proba honetan garailea Sideris Tasiadis alemaniarra izan da, bigarren Alexander Slafkovsky eslovakiarra eta hirugarren Franz Anton alemaniarra.