Riveirak irabazi du sailkatze estropada, eta San Juan geratu da bigarren

Riveira izan da bizkorrena ostegun honetan jokatu den sailkatze estropadan. Galiziarren ostean, Euskotren Liga irabazi duen San Juan geratu da, 12 ehunenera. Batelerak aurretik izan dira estropada guztian zehar, baina Galiziako txapeldunen bigarren luzea ikaragarria izan da.

Aipatu bi lehen horien atzetik lehia estua izan da. Oriok eta Arraun Lagunakek ez dute hutsik egin, eta arazo gabe sailkatu dira. Hondarribiak, ordea, kale egin du. Gipuzkoarrek ez dute euren mailarik onena eman, eta ez dira igandean lehiatuko.

Deustuk ere ez du egunik onena izan. Bizkaitarrek sailkatzeko aukera dezente zuten, baina ez dute iragarpen hori uretan berretsi.

Kaikuk, Hibaikak eta Tolosaldeak osatu dute Kontxan arituko den zortzikotea, Donostiarrarekin batera.

Hauek dira sailkatze estropadan egin dituzten denborak: