Jon Salsamendi izango da Urdaibairen entrenatzailea datorren denboraldian, Bermeoko klubak gaur iragarri duenez. Entrenatzaile oriotarrak lau denboraldi egin zituen Bou Bizkaia zuzentzen (2013-2016), eta Oriora joan zen gero (2017-2023). Aurreko denboraldian, Lapurdi Arraun Taldean aritu da lanean.

"Bermeotik nator, eta, errespetu guztiz, denak entzungo ditugu", adierazi du Urdaibaiko patroiak, 2024ko Eusko Label Ligako patroi onenaren saria jaso duen ekitaldian, bere etorkizuna hizpide.

Euskotren Ligan, Donostiarrako Nerea Perezek eskuratu du saria; EITBk babesten du hori. Eusko Label Ligan, aldiz, Gorka Aranberrik lortu du. Biak ala biak pozik azaldu dira, eta nabarmendu dute taldearen laguntzari esker erdietsi dutela golardoa.

Iker Zabala Urdaibaiko entrenatzaile ohiak Euskadi Irratian adierazi du orain arte ez duela ezer Oriorekin. Gaineratu du, aste honetan hitz egingo duela Gipuzkoako taldearekin eta ikusiko dela elkarrekin lan egingo duten ala ez.

Arraun denboraldia amaitu ostean, Bermeo-Urdaibairen entrenatzaileak astebeteko epea eskatu zion zuzendaritzari bere etorkizuna argitzeko. Taldeak gaur baieztatu duenez, Zabalak ez jarraitzea erabaki du. EITBk jakin duenez, Oriorekin harremanetan ari da.

Urdaibaik denboraldi bikaina egin du. Bizkaiko, Euskadiko eta Espiniako Txapelketak irabazi zituen lehenengo; ondoren, Kontxako Bandera bereganatu zuen; eta, azkenik, Eusko Label Liga irabazi zuen, marka guztiak hautsita eta 14 garaipen lortuta.

Urdaibaik denboraldi historikoa egin du: txapelketa guztiak irabazi ditu eta Eusko Label Ligan jaun eta jabe izan da. Horiek horrela, Bermeoko herrian harrera beroa egin diote gaur gauean.

Urdaibaik irabazi du Eusko Label Ligako Portugaleteko Bandera. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.

2024ko arraun denboraldia play-offekin eta Portugaleteko estropadarekin batera amaitu da. Ikusi bideo honetan Eusko Label eta Euskotren ligek eta Kontxako Banderak utzitako irudi ederrak, musikarekin jantzita.

Bermeo Urdaibaik irabazi du Portugaleteko Bandera, Orio eta Hondarribia atzean utzita. Bermeoko ontziak errekorra egin du, denboraldian jokatu diren 20 estropadetatik 14 irabazi baititu.

Urdaibaik El Corte Ingles Bandera irabazita biribildu du denboraldia. 2024ko azken estropada irabazita inork lortu ez duen marka ezarri du Eusko Label Ligan, 14 garaipen eskuratuta. Gainera, Ligako txapeldunaren koroa jaso du bertan. Gogotik ospatu dituzte lorpen guztiak.

Urdaibaik irabazi du Eusko Label Ligako Bermeoko Bandera. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.

Iker Zabalaren taldeak estropada bikaina egin du etxean Bermeo, eta igandean Portugaleteko Bandera irabazten badu, Ligako historian garaipen gehien lortu duen taldea izango da.

Jaun eta jabe izan zen Urdaibai Kontxako Banderaren bigarren jardunaldian, eta Bermeoko taldearen eskuetara joan da saria. Gorka Aranberri patroiarentzat 9. bandera izan da, eta historia egin du.

Herria jaietan murgilduta dago, eta jendetza bildu da udaletxean Urdaibaiko arraunlariei, Kontxako txapeldunei, harrera beroa egiteko eta festarekin jarraitzeko.

Urdaibaik, Zierbenak, Oriok eta Donostiarrak hasiera ikusgarria eman diote Kontxako Banderako bigarren eta azken jardunaldiko ohorezko txandari. Lehia bizi-bizia izan dute estropada buruan jartzeko, eta lehenengo minutu eta 10 segundoetan denbora berean ibili dira.

Bou Bizkaiak alde handia atera zien lehen jardunaldian Zierbenari eta Donostiarrari, eta bigarrenean ere aise nagusitu da. Galipoak bigarren izan dira eta etxeko trainerua hirugarren.

Bermeo Urdaibaik zortzigarrenez irabazi du Kontxako Bandera. Ikusi, bideo honetan, nola bizi izan duten estropada traineruko arraunlariek eta patroiak.

Entzun Iker Zabala Urdaibaiko entrenatzaileak zer agindu eman dizkion Gorka Aranberri patroiari Kontxako Banderako bigarren jardunaldiko estropadan zehar.

Urdaibai da gizonezkoen mailako 2024ko Kontxako Banderako irabazlea. Bideo honetan ikus dezakezu Bermeoko taldeko patroiak eta arraunlariek nola jaso duten bandera.

Gorka Aranberri Urdaibaiko patroia pozarren eta hunkituta agertu da Kontxako Bandera irabazi ostean. Arraunlariek egindako lana nabarmendu du, eta bere familiarentzat esker oneko hitzak izan ditu.

Iker Zabala Bermeo-Urdaibai entrenatzaileak taldeak denboraldi honetan egindako lan bikaina nabarmendu du Kontxako Banderari begira egindako elkarrizketan. Igandean irabaziz gero, hurrengo Banderaren bila jarraituko dutela esan du.

Urdaibai izan da onena 2024ko Kontxako Banderako lehen jardunaldian; estropada bikaina eginda, Bermeoko traineruak 14 segundoko aldea lortu du Zierbenarekiko. Ikusi nola bizi izan duten Urdaibaiko arraunlariek eta patroiak.

Bou Bizkaiak gauzak ia erabakita utzi ditu bigarren jardunaldiari begira. Lehen txanda irabazi duen Zierbena 14 segundora du, Donostiarra 15 segundora eta Orio 25 segundora. Lau horiek neurtuko dituzte indarrak datorren igandeko ohorezko txandan.

Iker Zabala Urdaibaiko entrenatzaileak bere taldearen lanean bete-betean sinesten du, eta uste du hurrengo igandean bere arraunlarien jarduna zuzena da, zaila izango dela garaipenak ihes egitea Kontxako Banderan.

Bermeok ez du aukaririk izan Kontxako Banderako 1. jardunaldian. Izan ere, 14 segundo atera dizkio lehenengo txandan jaun eta jabe izan den Zierbenari, 15 Donostiarrari eta 25 Oriori. "Kristoren estropada egin dugu, denboraldiko onena", adierazi du Gorka Aranberrik, Urdaibaiko patroiak.