Traineruen Eusko Label Liga 2022, egutegia, emaitzak eta azken orduko albisteak
#-eusko_label_home-#
PLAY-OFFETAKO 1. JARDUNALDIA
Ares, nagusi play-offeko lehen jardunaldian; San Juan, bigarren
A. A. | EITB MEDIA
Eusko Label Ligako play-offeko 1. jardunaldia jokatu da larunbat honetan Bermeon, eta Ares izan da onena. Galiziarren atzetik San Juan sailkatu da, garaileengandik segundo bakarrera.
-
Areseko ontzia BErmeoko estropadan. Argazkia: EITB
Galiziako Aresek eta Gipuzkoako San Juanek ia erabakita utzi dute Eusko Label Ligako igoera, Santurtzi, San Pedro eta Chapela baino askoz gehiago izan baitira, igoera eta jaitsierak zehazteko play-offeko lehen jardunaldian.
Sekulako txikizioa eragin dute Bermeoko itsaso kizkurrean Coruñakoek zein pasaitarrek, eta alde izugarria atera diete aurkariei: ia minutu bat Santurtzi eta San Pedrori eta minutu eta erdi baino gehiago Chapelari.
Horrenbestez, KAE-1eko eta Galiziako txapelketako irabazleek erabateko txakalaldia izan beharko lukete bihar Portugaleteko uretan jokatu behar den bigarren jardunaldian San Pedrok mailari eustea edota Santurtzik gora egitea ahalbidetzeko, besteak beste.
Play-offari begira izandako ondorioez gain, Ares eta San Juanen azken luzea bereziki zirraragarria izan da, Pasaiakoak Galiziakoek estropadan zehar izan duten abantaila iraultzeko zorian egon baitira; izan ere, 12 segundoko tartea zuten alde hirugarren ziabogan Coruñakoek, eta segundo bakarreko aldearekin amaitu dute.
Play-offeko 1. jardunaldiko sailkapena:
Eusko Label Ligako play-offetako 1. jardunaldiko sailkapena. Argazkia: EITB
INFORMAZIOA OSATZEKO LANEAN ARI GARA
Hurrengo zuzenekoak
- Gaur
- LR.
- IG.
- AL.
- AS.
- AZ.
- OG.
| 08 | 21:00 - 23:45 | PILOTA | Lau t'erdiko txapelketa | B Serieko Finalaurrekoak: Bakaikoa vs Murua / Egiguren V vs Larrazabal |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
