Prestaketa

Errigorako udaberriko kanpaina amaitu aurretik, bertako potxak ezagutu ditugu Txaber Larreategirekin, eta potxak osagai nagusi gisa hartua, ondorengo errezetak egin dizkigute gure sukaldariek:

Igor Zalakainek (Arzak jatetxea) potxa aralgunak prestatu ditu

Potxak, tipulina, tomatea eta piper berdea ur hotzetan jarri. Irakiten hastean, 30 minutuz egosi. Tomatea, piper berdea eta tipulin atera, birrindu, iragazi eta saltsari gehitu. Gatza eta oliba olio birjina gehitu.

Pili Manterolak (Iribar jatetxea) potxak almejekin eta txipiroiekin prestatu ditu:

Potxak, tipula eta piperra ur hotzetan jarri eta 30-40 minutuz egosi olio pixka batekin.

Bitartean, almejak egin: baratxuria, olioa eta piper-mina zartaginean gorritu eta almejak bertan bota, Txakolina gehitu eta, ondoren, perrexila.

Txipiroiak tiratan ebaki eta oliotan gorritu.

Potxak egosita daudenean,dena kontuz elkartu, potxak hautsi gabe. Salda arin xamarra badam maizena pixka bat gehitu loditzekjo. Amaitzeko, gatz puntua eman.