Prestaketa

Gorka Otaegi lankidea Arantzazun izan da Pello Zabalarekin, eta bertako hozkailuan topatu dituen osagaiak erabilita prestatu dituzte errezetak Pili Manterola eta Igor Zalakain sukaldariek.

Pili Manterolak porru epelak saltxitxoi eta xorizodun olio-ozpinarekin eta ogi kurruskariekin:

Porruak hartu, eta zati berde handiena kendu (baina berde pixka bat utzi). Osorik egosi (ura, olioa eta gatza erabilita).

Ondoren, 'karmela' izeneko zartaginetik pasa.

Olio-ozpina prestatzeko, zatitu saltxitxoia eta txorizoa zati txikitan, eta gehitu olioari, ozpinari eta gatzari. Porruei gainetik bota.

Ogi zati txikiak frijitu, eta gainetik bota.

Igor Zalakainek porruak laranjadun olio-ozpinarekin prestatu ditu:

Porruak zainzuriak balira bezala eosi.

Larranjei zukua atera, eta olio pixka bat gehitu, olioozpin goxoa prestatzeko. Porruei gainetik bota.

Beste proposamen batzuk: laranjak zuritu eta xaflatan moztu; gainean kiwi zatitxo batzuk gehitu, eta gatz pittin bat bota. Sagarrak eta txermenak erre edo konpota prestatu. Ogiarekin, saltxitxoiarekin eta txorizoarekin (baratxuri ale batzuekin), 'mamiak' prestatu (gazteleraz 'migas' esaten zaiona).