"Hitzetatik ekintzetara pasatzeko ordua da. Eliza eta estatuaren akordioa behar da biktimen erreparaziorako"

Elizak erakunde bezala iraun nahi badu bere baitan izandako abusuen auziari aurre egin beharko diola uste du Alberto Barandiaran kazetariak. Eduardo Santos Nafarroako Justizia kontseilari ohiak ere hala uste du, hitzetatik ekintzetara pasatzeko garaia dela eta Elizka eta estatuak biktimen erreparaziorako akordio bat lortu behar dutela zor historikoa kitatzetzen hasteko. Akordio horrek diru konpentsazio funts bat izan beharko du, biktimen kalteordenei aurre egiteko. Maria Manrique Bizkaiko Elizbarrutiko Adin Txikikoen Babeserako eta Abusuen Prebentziorako batzordeko kideak adierazi du horretarako prest daudela. Nolanahi ere, bai Santosek, baita Barandiaranek ere azpimarratu dute dirua baino euren mina aitortzea eskatu dutela beti biktimek eta haiekin batera egin behar dela bidea, erreparaziotik.