'Ekainean asko moteldu da langabeziaren hazkundea'

Ekainak 2.733 langabe gehiago utzi ditu Euskal Autonomia Erkidegoan. Guztira 144.000 pasa dira Euskadin enplegurik gabe daudenak, Koronabirusaren pandemia lehertu baino 33.000 langabe gehiago.  Langabeziak tasak gora egin du baina, datu baikorrak ikusi ditu Eusko Jaurlaritzak lan sailak: 'lautadara iritsi gara, langabezia igotzen ari da oraindik baina asko-asko moteldu da hazkunde hori' Nestor Arana Lanbideko zerbitzu orokorretako zuzendariaren hitzetan. Aldi Baterako Lan Erregulazio Espedientepean daudenen kopuruak behera egin du ekainean: 200.000 ziren osasun krisia lehertu zenean, 72.000 dira orain, 'horrek esan nahi du % 60 lanera itzuli dela'.

Langabearen profila ez da aldatu Euskadin: '35 urte azpiko emakume bizkaitarra da' Nestor Arana Lanbideko ordezkariak 'Faktoria'n esan duenez baina, ekaineko datuek erakutsi dute beste ezaugarri bat: Lanbiden izena eman duten 10tik ia 9, 25 urtetik beherako gazteak izan dira'.