'Zergatik ez bihurtu Zaldibar, Santutegi laiko'

Ekainaren 29an, San Pedro egunez osatu du Bernardo Atxagak bere Lagunarteko Kontuak 'irrati-liburuaren' azken atala. Kapitulu berezia izan da eta Zaldibarko zabortegian desagertuta dauden Alberto Sololuze eta Joaquin Beltran gogoan izan ditu. Pedro Alberdi, Alberto Sololuzeren koinatuarekin izan duen hartu-emana izan da aste honetan Atxagaren Lagunarteko Kontuen protagonista

'Desira batekin esan nahi dizuet agur: Zergaitik ez bihurtu Zaldibarko zabortegia beste Aranzazu bat? Zergaitik ez dugu Oñatiko gain batean egin zutenaren antzekoa egiten? Santutegi bat alegia, nahiz laikoa, gaurko zabortegiak sinbolizatzen duenaren kontrakoa sinbolizatuko lukeena. Utopia baten ikur eta seinale izango litzakeena'.

Entzun hemen Bernardo Atxagaren Lagunarteko kontuak.