'Malta eta Italiarekin badugu akordioa. Ez dugu debekurik urratuko'

Pasaian ontziratutako zortzi tona laguntza humanitario Lesbosen utzi ondoren, pertsonak erreskatatzen hasiko da Aita Mari ontzia. Maltako uretara bidean da oraintxe eta bihar iluntzean sartuko da Erreskate eta Bilaketa Eremuan, igelesez SAR deitzen zaion eremuan. Gune horretan salbamendu ontzirik ez da oraintxe eta Aita Marik erabaki du ardura hori hartzea, Espainiak halakorik egiteko berariazko debekua jarri zion arren.

Izaskun Arriaran eskifaiako kideak 'Faktoria' ri esan dionez, ordea, Malta eta Italiarekin duten akordioek babestu egingo lukete salamendu lanean aritzea. 'Euren uretan eta eurekin koordinatuta bada, badaukagu baimena itsasoan erreskatatutakoak porturatzekoa', azpimarratu du.  Arraiaranek gaineratu du, akordio horiek, itsas legeak eta lege humanitarioek babestuta jarraituko dutela 'pausu seguruak ematen'. Aita Marik, beraz, ez du Euskal Herrira itzultzeko asmorik. Hilabete arituko da gutxienez misio honetan eta gero, segur aski, Sicilian pasako du ontziak negua.