Gau Beltza: urteko gaurik beldurgarriena... ala dibertigarriena?

Eta gehiago dena: beldurrezko istorioak gustuko izateak munduan dauden benetako gauza beldurgarriei aurre egiteko balioko ligukeen afizio bat dela diote Chicagoko Unibertsitateko ikerlariek, aeon agerkari digitalean irakurri dugunez. Egia esan, beldurrezko zinema maite dutenak gero eta gehiago dira, Jon Ruiz zaleak azaldu digun moduan eta, duela gutxira arte haurrentzako festa bat izan arren, gero eta gehiago dira, baita ere, Halloweenerako mozorroak erosten dituzten helduak, Edurne Cuadrado Iruñeko La Máscara mozorro-dendako langileak kontatu digun moduan. Ugutz Basaurirekin Bergarako Gau Beltzaren historian murgildu gara eta Oier Iruretagoienak beste modu bateko fantasma bat ekarri digu: San Telmo Museoan erakusgai duen San Sebastian eta Fantasma erakusketakoa, hain zuzen ere. Sakatu play eta entzun osorik kontatu dizkigutenak!