Ehunka iruindarrek hartu dute parte Alde Zaharrean egin duten ospakizunean. Erraldoi eta buruhandiak, La Pamplonesa eta Duguna dantza taldea ere izan dira bertan.

Kotxe bat, 2.500 euroko baleak, bidaiak, urdaiazpikoak... Inor ez da azaldu sari horien bila. Patriketan bilatzeko deia egin du Caritasek, abuztuaren 16an bukatuko delako horiek eskuratzeko epea.

Sanferminetarako kendu zituzten, eta, jaiak bukatuta, Santo Domingoko ukuiluetara itzuli dira, baina norabidea galduta, kontrako noranzkoan jarri baitituzte, nahita edo nahi gabe. Arga ibaira begira daude orain; uretan bainua hartzeko irrikan ote?

Sanferminetako balorazioa egin du Joseba Asiron Iruñeko alkateak. Sexu-erasoei dagokionez, aurtengo jaietan 24 salaketa izan dira, eta ustezko erasotzaileetako 23 atxilotu dituzte. Asironen hitzetan, genero-indarkeria "gizarte osoari dagokion arazo bat da".

Nahiz eta ofizialki sanferminak "Gaixoa ni" abestuta amaitu diren, ehunka lagunek Villavesaren entzierroa korritu dute gaur goizean Miguel Indurain partikular baten aurrean.

Milaka pertsona bildu dira bart Iruñeko Udalaren atarian, ohiturari eutsita, "Gaixoa ni" abestiarekin sanferminei agur esateko. Azken ekitaldi honetan, protagonismo berezia izan dute txupinazoa botatzeko aurkeztu ziren zazpi hautagaitzek.

Jokin Altunak eta Julen Martijak irabazi dute San Fermin Torneoko finala, Jon Ander Peña eta Jon Mariezkurrena mendean hartuta. Alabaina, bukaeran polemika izan da: 21 eta 19 zihoazenean, epaileak atxiki adierazi dio Mariezkurrenari, eta horrela amaitu da partida. Haserre handia piztu du erabakiak.

Peña II-Mariezkurrena II bikoteak San Fermin Torneoko finala galdu du Altuna III.aren eta Martijaren aurka (22-19). Partida 21-19 zihoanean, epaileak atxikia adierazi dio Mariezkurrenari; ondorioz, erabakiak garaipena eman die aurkariei, eta Berriozarkoa haserre bizian ikusi dugu.

Zortziurrenaren ondoren, hiria omendu eta hiri osorako dantza egin du Erraldoi eta Buruhandien Konpartsak. Haurren pare jarrita eta euren maitasuna jasoz bukatu dute ekitaldia.

Ismaelek 15 urte daramatza Iruñeko kiliki maitatuenaren, Caravinagreren, arima izaten. Gaur atera da azken aldiz harekin, atzetik datozenei lekua uzteko.

Aurtengo azken entzierroa amaitu bezain laster, langileak ibilbidean dauden 900 zutoinak, 2.700 oholak eta 2.500 egurrezko falkak kentzen hasi dira. Hermanos Aldaz aroztegia arduratzen da hesi bikoitz horretaz, ibilbide osoan herritarren segurtasuna bermatzeko.

Alkateak esan du salatutako sexu-eraso guztien egileak atxilotu dituztela, eta horrek agerian uzten duela Iruñean "egiten duenak ordaintzen duela".

ETB1ek eta eitb.eus-ek zuzenean emango dute gaur San Fermin Torneoko binakako finala. Elkarren kontra arituko dira Altuna III-Martija eta Peña II-Mariezkurrena II bikoteak, 18:30etik aurrera.

Anabel Arraiza, Iñaki Ainciburu, Albina Stardust eta Iñigo Ziganda izan dira Iruñeko kaleetan erreportari. Langile saiatuak eta finak dira, baina hartualdi putzak izan dituzte, eta Iban Garatek erakutsi dizkigu aurtengo sanferminak agurtzeko. Ez galdu!

Sanferminetan atzerritarrak ere izaten dira, eta hizkuntza asko entzuten dira. Baina euskara, zelan daramate? Albina Stardust Iruñeko kaleetan ibili da atzerritarren euskara-maila neurtzen eta, aldi berean, aho-korapiloak irakasten. Zein herrialdek ahoskatzen du ondoen euskaraz? Ikusi!

Aizane Ibarrolak eta Enara Gamindek irabazi dute Emakume Master Cupeko San Fermin Torneoko txapela. Labriten jokatutako finalean, 9-22 gailendu zaizkie Amaia Aldairi eta Uxue Osesi.

Ehunka pertsona bildu dira ostiral honetan Iruñeko Gazteluko plazan, sanferminetan izandako eraso sexistak gaitzesteko, eta emakumeen "eskubideen urraketa" salatzeaz gainera, erasoen aurrean herritarrek emandako erantzuna txalotu dute.

Iruñeko katedraleko ezkilen bitartez ongi etorria ematen zaie sanferminei. Hain zuzen, jaietan uztailaren 6an eta 7an jotzen dira. Anabel Arraiza katedralera igo da kanpaijoleen lana kuxkuxeatzera.

Zezenen erakusleiho dira entzierroak, eta bakoitzaren adarren ezaugarriak eta berezitasunak igarri ahal ditugu bertan. Adibidez, Cadizko Fuente Ymbro ganadutegiko zezen batek zulotxoa zuen adarrean. Zergatik jazotzen da? Asier Alvite albaitariak erantzuna eman digu.

Miura, Vitorino, Jandilla edo Cebada Gago? Zein ganadutegirekin lotuko zenituzke Lau t'erdiko San Fermin Torneoko finalistak, Altuna eta Peña hain justu. Anabel Arraiza kalean izan da galdetzen.

San Fermin santua Santo Domingoko aldapan dagoen horma-hobira eramaten du goizero Goizargik, korrikalariek, ohi bezala, entzierroaren aurretik kanta diezaioten. Gero, etxeko saloian gordetzen du, hurrengo egunean berriz eramateko. 1978. urtetik eusten diote tradizio horri.

Jokin Altunak eta Julen Martijak Binakako San Fermin Torneoko finala jokatuko dute igandean, Peio Etxeberria eta Jose Javier Zabaleta 22-18 garaitu baitituzte partida gogor eta bikain batean. 

Iruñeko 16 peñen gaurko kalejira berezia izan da. Palestina askea aldarrikatu dute eta Gazaren kontrako sarraskiari amaiera jartzea.

Speed 24 milioi jarraitzaile ditu eta zuzeneko emanaldiengatik da ezaguna, mundu osoko hainbat lekutan egiten baititu edukiak. Ustekabean agertu da sanferminetan, baina Foruzaingoak zezen-plazatik atera behar izan du, jende-oldea zela eta.

Estafetako balkoiak bete egiten dira  zezenak nolaigarotzen diren ikusteko, baita karrika honetako tabernen ateak ere. Azkenaldian indarra hartu du aukera honek. Gainera, hamaiketakoa ere eskaintzen dute. Bodegón Sarriako Julian eta Gorka han izaten dira, adibidez, goizeko 05:45etik aurrera.