PSEk egonkortasunaren alde egindako apustua balioetsi du Jaurlaritzak

Josu Erkoreka Eusko Jaurlaritzako bozeramaileak balioetsi egin du PSE-EEk Gasteizen egonkortasunaren alde egindako apustua, hori egiteko "formula" edozein dela ere.

Erkorekak prentsaurrekoan esan ditu hitzok, Gobernu Kontseiluaren ostean. Idoia Mendia PSE-EEko idazkari nagusiak Gasteizko Udalari "egonkortasuna" emango diotela aurreratu du, baina oraindik ez dute erabaki Gobernuan sartu edo ez.

Horren ildotik, egonkortasuna emateko formula "ugari" daudela gogorarazi du Erkorekak, eta aurki bi alderdiotako buruzagiak ados jartzeko gai izango direla esan du.

Jaurlaritzako bozeramaileak esan du PPk "aise" irabazi zituela hauteskundeak Gasteizen, baina Javier Marotok alkate izateko babes nahikorik ez zuela lortu nabarmendu du.

"EH Bilduri berdin gertatu zitzaion Astigarragan, eta EAJri Artean, Bakion eta Plentzian", aipatu du.