Lluis Llach izango da Junts pel Si-ren zerrendaburua Gironan

Lluis Llach kantagilea izango da Junts pel Si zerrenda independentistaren buru Gironan irailaren 27ko hauteskundeetan, hautagaitzako iturriek jakitera eman dutenez.

Frankismoaren kontrako borrokaren ikur bilakatu zen L?estaca abestiari esker, eta azkenaldian ezagunak dira independentziaren eta ezkerreko politikak ezartzearen alde egin dituen adierazpenak.

'Nova Canço' deritzon mugimenduaren gidaietako bat izan zen, eta frankismoaren jazarpenaren ondorioz, Parisera joan behar izan zuen bizitzera 70eko hamarkadan.

30 diskotik gora kaleratu dituen artista Vergesen jaio zen, Gironan, eta azken urteotan Senegalen ere denbora asko pasatzen badu ere, sekula ez du Kataluniako herri horrekiko lotura galdu. Senegalen bere izeneko fundazio bat kudeatzen du.