Patxi Lopez: 'EH Bilduk ez du irabaziko, eta ez da bigarren izango'

Patxi Lopez lehendakari eta PSE-EEren hautagaiaren ustez, "EH Bilduk ez ditu irabaziko hauteskundeak, ez da bigarren indarra izango eta ez du gobernatuko".

Horren esanetan, Bildu ez da "arazo bat", "oposizioan" izango den "beste indar politiko bat" baizik.

Lehendakarigai sozialistak koalizio abertzalearekin ez duela itunik sinatuko nabarmendu du, Bilduk oraindik ere demokrazian sartzeko "ibilbidea" egin behar baitu.

Forum Europak antolatutako gosari-informatibo batean, Patxi Lopezek ukatu egin du hainbat erakundetan PSE-EEk eta Bilduk akordio bakanak lortu izanak koalizio abertzalearekin ituna dutela esan nahi izatea.

Hori horrela, Gasteizko Udalean PP eta Bildu bozketa askotan bat etorri direla gogorarazi du.