Otegi: 'Loreak moztu ditzakete, baina ez dute udaberria etengo'

Arnaldo Otegi EH Bilduren lehendakarigai eta Sorturen idazkari nagusiak zera esan die euskal hauteskundeetara aurkeztea galarazi nahi dutenei: "Loreak moztu ditzakete, baina ez dute udaberria etengo".

Txio baten bidez, Otegik mezua zabaldu nahi izan du, Auzitegi Nazionaleko Fiskaltzak EH Bilduren hautagaia "aurkeztu ezingo" dela adierazi eta gero. Gainera, 'Bateragune auzia' dela eta zigortu zuen auzitegiari gaitasungabetzea ezarri zion epaia Gipuzkoako Hauteskunde Batzordera igortzea eskatu du Fiskaltzak, ANren ebazpena bete dezan.

Otegik, Pablo Nerudaren esaldia aipatzeaz gain, Sorturen txio bat ere bertxiotu du, alegia, Arnaldo Otegi "gehien molestatzen duen hautagaia" dela zioena.

Nerudak zioen bezala: "Loreak moztu ditzakete, baina ez dute udaberria etengo"

— Arnaldo Otegi (@ArnaldoOtegi) 12 de agosto de 2016