gaztea
Internet
B. F. | EITB Media
Ariane Hoyosek sormen eduki onenaren garaikurra eraman du. Lucia de la Puerta bilbotar aktore eta abeslariak, ostera, sortzaile berri onenaren Ídoloa irabazi du.
Ariane Hoyos, Ídolo sariarekin. Argazkia: @premiosidolo
Bi bizkaitar nagusitu dira Ídolo sarietako galan, bart gauean. Ariane Hoyos Perez santurtziar influencerrak sormen eduki onenaren Ídolo saria eraman du eta Lucía de la Puerta Uribe bilbotarrak, ostera, sortzaile berri onenarena.
Bestelako kategorietan, YosoyPlex gailendu da bi kategoria nagusietan: urteko Ídolo eta urteko eduki sortzaile digital onena. Munduan zehar ibili da Zamorako gaztea, bidaiekin eta herrialdeetako bitxikeriekin zerikusia duten bideoak egiten.
Honakoak izan dira gaueko protagonistak eta jasotako garaikurrak: byCaLiTos (moda), Lalachus (umorea), Inés Hernand (kontzientzia soziala), IlloJuan (streamer), Operación Triunfo (ikus-entzunezko proiektua), Lola Lolita (TikToker), Mestiza-musica (musika), 'La pija y la quinqui' (podcast), Climabar (jasangarritasuna), Crys Dyaz (Health & Sport), Peldanyos (gastronomia), Nil Ojeda (ekintzailetasun digitala), Violeta Mangriñan (lifestyle) eta La hija del jeque (beauty).
Bitxikeria gisa, Eme de Amores influencerrak ezaguna egin zaigun jantzia eraman du Ídolo sarietara. Alineo Studioren pieza aukeratu du hitzordu berezi honetarako, aurretik Sünek Gaztea Sarietara ekarri zuen jantzi berdina.
Süne, Gaztea Sarietan
Ariane Hoyos: gizarte hezitzailea eta aktorea
24 urteko santurtziar gazteak Filosofia, Politika eta Ekonomia gradua ikasi zuen Deustuko Unibertsitatean. Gerora, Madrilera joan eta Gizarte Hezkuntza ikasten hasi da. Ikasle bizitza influencer eta aktore lanekin uztartzen du.
Madrilera joan zenean hasi zen sareetarako bideoak grabatzen, bertan igarotako lehen egunak eta bizi zen auzoaren inguruko bitxikeriak erakusteko. Eduki horien arrakastaz jabetuta, toki eta tradizioen inguruko bideoak egiten sortu du bere marka propioa.
Besteak beste, Santurtzi eta Bilboko historia eta egunerokoaren inguruko aleak aurki ditzakegu bere sareetan.
Lucia de la Puerta: tenis jokalari ohia, aktorea eta musikaria
Medikuntza ikasketak bukatzen ari da 24 urteko bilbotarra. Ume eta nerabetan tenis profesionalean aritu ostean, kirola utzi eta interpretazio ikasketetan murgildu da egun Madrilen bizi den gaztea.
Musikaria ere bada Lucia de la Puerta. Hiru abesti plazaratu ditu dagoeneko: "FECHA VENCIDA", "NORMAL" eta "DEAB (De Enamorada A Bandida)".
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.