gaztea
Musika
B. F. | EITB Media
'The Eras Tour' birako azken zuzenekoak irudi ikusgarriak utzi ditu. Swiftek berak sare sozialetan azaldu duenez, Nashvilleko Nissan Stadiumen bizitakoa “ahaztezina” izan zen.
Taylor Swift, Nashvillen. Argazkia: @ShearerPhoto @GettyImages
Zaparrada bortitzak astindu zuen astelehen goizaldean Taylor Swiftek Nashvilleko Nissan Stadiumen eskainitako zuzenekoa. Klimak eragindako eragozpenek showa atzeratu zuten arren, euri-jasak ez zuen zapuztu 'The Eras Tour' birako azken kontzertua.
Taylor Swiftek berak sare sozialetan azaldu duenez, ezohiko bezain dibertigarria izan zen astelehenekoa. "Dantzariak, banda, publikoa eta ni neu putzuetan saltoka aritu ziren haur bihurtu ginen", esan du artistak. Gainera, egindako lana eskertu dio lantalde teknikoari, eta "betiko gogoratuko duen kontzertua" izan zela erantsi du.
WELL. We had our first rain show of The Eras Tour. And it was SO MUCH FUN. The dancers, band, crowd and I all pretty much turned into little kids joyfully jumping in puddles all night. I wanted to thank the crowd again for waiting for the weather to clear. And my amazing crew for… pic.twitter.com/OqdtiQaGhU
— Taylor Swift (@taylorswift13) May 9, 2023
Zuzenekoak utzitako une gogoangarrien artean, hainbat zalek publikatutako hau aurki dezakegu. Bertan, Swiftek "All Too Well" abestiko "Fuck the patriarchy" esaldia kantatzen duen bitartean, tximista erraldoi bat ikus daiteke estadioko pantaila erraldoiaren atzean.
Euskal Herrira etorrita, Gatiburen "Euritan dantzan" abestiarekin ere egin dituzte txantxak Twitterreko erabiltzaileek.
pretty sure taylor swift is the only person who can scream “fuck the patriarchy” and make zeus the god of thundering misogyny retaliate pic.twitter.com/fecKnihNhe
— almu ¿ (@taurusfeelings) May 9, 2023
was gatibu talking about this when they said "euritan dantzan"? https://t.co/f4RroqLKoC
— gallina de piel (@axiandu) May 9, 2023
Ekaitzaren erdian, Swiftek aurrera egitea erabaki eta ohiko errepertorio, janzkera aldaketa, koreografia eta eszenografiak osatutako ikuskizuna eskaini zuen. Dantzariez gain, hainbat gonbidaturekin partekatu zuen giro apokaliptikoak blaitutako agertokia; tartean, The National taldeko Aaron Dessner eta Phoebe Bridgers artistekin kantatu zuen musikariak.
Kontzertuan gertatutakoen artean, zurrumurruek ere izan dute lekua. Bada, hainbat zalek Matty Healy (The 1975 taldeko abeslaria) harrapatu zuten Nissan Stadiumeko publikoko VIP gunean. Aspaldiko lagunak direla diote biek, baina azkenaldian hainbat aldiz ikusi ditugu elkarrekin (The Eras Tourreko Nashvilleko bigarren kontzertuan oholtza gainera igo zen, gonbidatu gisa) eta bien arteko maitasun-harremanaren susmoak gero eta indar handiagoa hartu du Nashvilleko kontzertuaren ostean.
¿ | Taylor Swift and Phoebe Bridgers singing “Nothing New” in Nashville #NashvilleTSTheErasTour #TStheErasTour
— Taylor Swift Updates (@TSwiftLAMedia) May 6, 2023
pic.twitter.com/kOf7YZYJ7K
they are harry styles and taylor swift for people on antidepressants pic.twitter.com/ezrsmx1rJR
— Sav #2 ¿¿ (@sinceritysav) May 10, 2023
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.