Gaztea

12:23

gaztea

Internet

Kriptotxanponak eta Elon Musken azkena: zergatik agertu zaigu txakur bat Twitterren?

B. F. | EITB Media

Shiba Inu arrazako txakurraren irudia memegintzarako erabili ohi da, 2013an Dogeicon (DOGE) kriptotxanponaren irudi gisa ezagun egin zenetik.

  • DOGEren txakurra

    DOGEren txakurra

  • Whatsapp
  • Whatsapp
  • Bidali
  • Esteka kopiatu

Bideoak (1)

audioak (1)

Azken orduetan, berrikuntza batekin egin dute topo Twitter plataforma erabiltzen duten 200 milioi erabiltzaileek: txori urdina beharrean, Shiba Inu arrazako txakur baten irudia agertu zaigu.

Ezaguna zaigu animaliaren aurpegia, memegintzako klasikoetako bat baita. Baina, zer zerikusi du txakurrak Twitterrekin?

Hainbat erabiltzaileren teoriaren arabera, aldaketak Elon Muskek Dogecoin kriptotxanponarekin duen harremanarekin du zerikusia. Bada, Muskek publikoki babestu du aipatutako kripto-aktiboa. Are gehiago, Teslak (Elon Musken ibilgailu enpresa) Dogecoinak onartzen ditu ordainketa medio gisa.

Zer da kriptotxanpon bat? Balore aldakordun salerosketa bide digitala da. 2009an jarri zuten martxan lehenbiziko kriptodirua, eta ordutik aurrera beste hainbat kriptomoneta agertu izan dira. Bitcoin txanponarekin egin zen ezagun ordainketa bidea. Sektore ezezaguna den aldetik, espekulazioak bereziki eragiten dio, eta sortu zenetik hamaika gora-behera izan ditu.

Adituen ustez, Dogecoinaren merkatuko balioa igotzeko estrategia komertziala izan da Musken azken mugimendua. Usteak uste, sare sozialaren azken eguneratzeak eragin zuzena izan du kriptomoneten sektorean: logo aldaketa egin eta ordubetera, DOGEaren balioa % 26 igo da.

Muskek gaiaren inguruko adierazpenik egin ez duen arren, sare sozialaren irudi aldaketaren inguruko argazkia argitaratu du bere Twitter profilean.

 

Iruzkinak

    • Irratia zuzenean

    Gaztea Entzun zuzenean

    Bisitatuena

      Kargatzen ikusiena
      Kargatzen ikusiena