gaztea
Aretoen irekiera
B. F. | EITB Media
DJ Bull izan da irekierari musika jarri diona,“Dantza dezagun berriro!” jaian.
19 hilabetez egon dira itxita Bilboko Kafe Antzokiko ateak. Covid-19aren kontrako neurri murriztaile gehienak bertan behera geldituta, Bizkaiko hiriburuko kulturaren plaza nagusiak ostegunean piztu zituen berriz argiak.
"Dantza dezagun berriro!" lelopean, irekiera ekitaldia egingo zuten, DJ Bullen eskutik. Tiketak aurre-salmenta iragarri eta ordu gutxira agortu ziren.
#DantzaDezagunBerriro pic.twitter.com/2GHFQwJSLu
— Kafe Antzokia (@kafeantzokia) October 5, 2021
Ostegunetan 22:30etik 4:30era irekiko dute; eta, ostiraletan eta larunbatetan, 22:30etik 6:00ak arte. Kafe Antzokiko arduradunek sare sozialetan gogorarazi dutenez, musukoa erabiltzea nahitaezkoa izango da.
Donostian, Dabadaba aretoak ordutegia goizaldeko 6:00ak arte zabalduko duela iragarri du. Ostegunean, Brava, La Diabla eta Señora izan zituzten, "Sudando hasta las 6:00" izeneko jaian.
— Dabadaba (@DabadabaSS) October 5, 2021
Gasteizko Jimmy Jazz azken hilabeteetan irekita egon den arren, murrizketen amaierak eragina izan du programazioan. Hala, zutunik ikusi ahal izango den lehen kontzertua iragarri dute: Joseba Irazoki eta Lagunak, urriaren 8an, 22:00etatik aurrera.
¿¿¿¿¿ Ostiralean berriz ere KONTZERTU BAT ZUTIK!!! ¿¿¿¿¿
— Jimmy Jazz Gasteiz (@JimmyJazzGz) October 5, 2021
Urriak 8 ostiral honetan || Este viernes 8 octubre se viene BOLAZO a la Jimmy
¿ @JIrazoki eta LAGUNAK
Sarrerak | Entradas: https://t.co/dZLC3yPEGn pic.twitter.com/44EWfybLIM
25 urte zabalik, eta ia bi itxita
2020an, 25 urte bete zituen Kafe Antzokiak. Mikel Urbeltzek bideo honetan aipatzen duenez, euskararen arnasgune izatetik, gaueko aisirako eta euskal kulturararen sustapenerako erreferente bilakatu da aretoa.
Kafe Antzokiko kudeatzailearen hitzetan, aretoak nazioarteko zein bertako taldeentzako erakusleihoa izaten jarraitu nahi du etorkizunean, covid-19aren krisiaren ondorio bortitzak pairatu dituzten arren.
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.