Gasteizko San Prudentzio jaiekin bat egingo du EITBk

Gasteizen ospatzen diren San Prudentzio eta Estibalizko Andre Mariaren jaiei arreta berezia eskainiko diete EITBk datozen egunetan bere albistegi eta saioetan. Ohi denez, hilaren 27an, jaiei hasiera emango dien erretreta (20:55ean) eta danborrada (23:25ean) ETB1en eta eitb.eus-en eskainiko dira, Imanol Artolaren kontakizunarekin. 

Radio Vitoriak, halaber, jarraipen estua egingo die jaiei, programazio bereziarekin. Isabel Mellen historialariak ostegunean irakurri duen pregoia zuzenean eskaini ostean, igandean, San Prudentzio bezperako erretreta eta danborrada uhinetatik jarraitu ahal izango dira. Hilaren 28an, zortzikoaren berri emateaz gainera, Armentian egongo dira "Radio Vitoria Gaur" magazineko lankideak, goizeko 10etatik arratsaldeko ordu biak arte. Bukatzeko, maiatzaren 1ean, Estibalizko erromerian izango dira "Déjate Llevar" asteburu eta jai egunetako magazinarekin.