Teknologia
Microsoft erori da
Agentziak | EITB Media
Askok eta askok "heriotzaren pantaila" deitzen diote. Microsoft Windows sistema eragilearen gailuetan bakarrik azaltzen da, eta akats baten ondorioz sistemak bere onera etortzeko modua ez duenean ateratzen da.
Microsoften pantaila urdin bat. EITB Media
Microsoft konpainia informatikoaren sistema eragilea erori ostean, kaosa nagusitu da mundu osoko airelineetan, banketxeetan eta hedabideetan. Akats informatikoaren ondorioz, inork gogoko ez duen irudi bat ikusi behar izan dute askok eta askok euren ordenagailu eta gailuetan: "heriotzaren pantaila urdina".
Urdin koloreko pantaila hori (BSoD, Blue Screen of Death, ingelesez) Microsoft Windows sistema eragilearen gailuetan ageri ohi da, akats baten ondorioz sistemak bere onera etortzeko modua ez duenean edo ezinean egongo dela detektatzen duenean.
Normalean arazoa atzemateko lagungarria izan daitekeen kode bat ere agertzen da. Ordenagailua berrabiaraztea gomendatu ohi du Microsoftek, bere webgunearen bidez azaldu duenez.
Pantaila urdin horiek Windowsek bakarrik ditu, eta beste sistema eragile batzuetan (Mac eta Linux) ez dago halakorik.
Steve Ballmerrek 1985ean sortu zuen "heriotzaren pantaila", Windows 1.0 bertsiorako. Ordutik, ez dute horren itxura orokorra askorik aldatu, eta urdin koloreari eutsi dio. Gaur-gaurkoz, bi puntu eta parentesi bat ateratzen da, tristura eta frustrazioa adierazteko emotikono bat bailitz bezala.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa