Teknologia
GIZARTEA
Gipuzkoa Encounterrek 400 pertsona konektatuko ditu
EITB MEDIA
Topaketan 40 jarduera ludiko eta hezigarri eskainiko dituzte, formatu birtualean.
-
Euskal Encounter EiTB Mediako artxiboko argazkian.
Aurten 400 pertsona pantailetara konektatuko dira Gipuzkoa Encounterren 16. edizioan. Topaketa martxoaren 18tik 20ra izango da, eta aurtengo formatua birtuala izango da hirugarren aldiz, covid-19aren ondorioz. Edizio honek 400 plaza birtual izango ditu, topaketa presentzialak Tolosako Usabal kiroldegian izango lukeen kopuru bera, hain zuzen ere.
Aurtengo gaiak segurtasun informatiboan, arte digitalean eta programazioan oinarrituko dira, eta 40 jarduera ludiko eta hezigarri eskainiko dira, besteak beste, lehiaketak, hitzaldiak eta dibulgazio tailerrak.
Tokirik gabe geratu diren teknologia zale guztiek ekitaldia Interneten bidez jarraitu ahal izango dute.
