Gorenak babestu du Puigdemonti amnistiarik ez ematea diru publikoa bidegabe erabiltzearen delituagatik

Agentziak | EITB Media

Amnistia ez aplikatzea ebatzi zuen Llarena epaileak, eta erabaki horren kontra helegitea aurkeztu zuten Estatuko Abokatutzak, Fiskaltzak, Voxek ordezkatutako akusazioak eta Kataluniako presidente ohiaren zein Toni Comin kontseilari izandakoaren defentsek. Erabaki hura berretsi du orain Auzitegiak.

Orria entzun Orria entzun

Comin eta Puigdemont, Europako Parlamentuan. Artxiboko argazkia: EFE

Whatsapp
Whatsapp
twitt
Bidali
Esteka kopiatu

Pablo Llarena 'Kataluniako prozesu' auziaren instrukzio epaileak emandako erabakia berretsi du gaur Auzitegi Goreneko Apelazio Aretoak. Hala, Carles Puigdemont Kataluniako presidente izandakoari eta Toni Comin kontseilari ohiari ez zaie Amnistia Legea aplikatuko diru publikoa bidegabe erabiltzearen delituagatik.

Delitu hori ez barkatzea ebatzi zuen Llarenak auto batean, eta horren kontra, helegitea aurkeztu zuten aldeek. Errekurtso horiek baztertzea erabaki du orain Auzitegiak.

Estatuko Abokatutzak, Fiskaltzak, Voxek ordezkatutako akusazioak eta Kataluniako presidente ohiaren zein Toni Comin kontseilari izandakoaren defentsek egin zuten Llarenaren erabakiaren kontra.