ETAk hildako ertzainen omenaldian parte hartzeko deia egin du Bilduk

Erredakzioa

ETAk bi ertzain hil zituen Goierriko udalerrian duela hamaika urte, eta orain, Bilduren udal-gobernuak omenaldian parte hartuko du.

Orria entzun Orria entzun

01:04

Whatsapp
Whatsapp
twitt
Bidali
Esteka kopiatu

Albisteak (1)

Bilduk Beasaingo Udalean hartutako erabakia txalotu egin du Barrenak

Bideoak (1)

ErNEk ETAk hildako ertzainak omendu ditu

Informazio gehiago (1)

Webgune berezia: Bakea Euskadin

Beasaingo Bilduren udal-gobernuak bat egin du ETAk hildako ertzainen omenez, Goierriko udalerrian egingo den ekitaldiarekin.

Bilduko zinegotziek EAJk eta PSE-EEk aurkeztutako proposamenaren alde bozkatu zuten, eta azkenean, aho batez onartu zen omenaldia egitea.

Akordio horren arabera, Udalak "hildako ertzainak omenduko ditu Zaldizurretako biribilguneko eskulturaren parean (bi ertzain hil zituzten lekuan) minutu bateko isilunea eginez".

Gainera, 19:15ean "Udalak lore eskaintza egingo du" biktimak "Beasaingo gizartearen oroimenean daudela irudikatzeko".

Mozioak ekitaldian parte hartzeko deia egiten die Beasaingo herritarrei ere.

"Biktimen memoriari eustea da zentzugabeko indarkeriaren edo errepresio injustuaren ondorioz gure artean ez daudenei eman diezaiekegun zerbitzu onena", gaineratzen du dokumentuak.

Mozioa atzo bozkatu zuten eta Beasaingo Udaleko talde guztiek onartu zuten: Bilduk (sei zinegotzi), EAJk (sei zinegotzi), PSE-EEk (bi zinegotzi), PPk, Aralarrek eta Hamaikabatek (zinegotzi bana).

Iruzkinak