Saul Curto ETAko ustezko kidea atxilotu dute Frantzian

Frantziako Poliziak, Espainiako Poliziaren laguntzarekin, Saul Curto ETAko ustezko kidea atxilotu du Puy Saint Gulmierren, Polizia iturriek jakinarazi duenez.

Bilbotarra da Saul Curt, eta 32 urte ditu. Terrorismoaren aurkako iturrien arabera, joan den maiatzean lapurtutako ibilgailu batean harrapatu dute ETAko ustezko kidea, aipatu herrian.

Zehazki, eguerdian atxilotu dute, Puy Saint Gulmier (Auvernia) udalerrian, Clermont-Ferrand hiritik gertu.

Hainbat agentziak iragarri dutenez, leku ezezagunean zegoen ETAko ustezko kidea, eta Ertzaintzak terrorista bilatuenen zerrendan sartu du berriki, Europa Press agentziaren arabera.

El Correoren eta EITBren kontrako erasoekin zerikusia

Kantabriako eta Bizkaiko zenbait hondartzetan jarritako lehergailuekin zein Bilboko PSE-EEren egoitzaren kontrako, El Correo egunkariaren kontrako eta EITBren egoitzaren kontrako erasoekin zerikusia izan zuen atxilotuak, Barne Ministerioaren arabera.

Zuloen azpiegituraren ardura

Ministerioak berak ohar batean azaldu duenez, 'Basakatu' talde legalaren kide zen Saul Curto, eta Europa Pressek aipatzen dituen terrorismoaren kontrako adituen ustez ETAko talde logistikoki kidea zen atxilotua. Barne Ministerioak berak zehaztu duenez, egun ETAk Frantzian duen ezkutuko taldean zuloen azpiegituraz arduratzen zen a Curto Lopez.

Ez dute armarik atzeman

Segurtasun indarrek uste dute Saul Curto ETAko talde logistikoko kidea izan litekeela, eta atxilotu duten unean hainbat motxila zeramatzala azaldu dute, Europa Press agentziak jakitera eman duenez. Lehen miaketan, baina, ez diote armarik atzeman soinean, terrorismoaren aurkako iturriek agentzia horri emandako datuen arabera.