Politika
Kongresuan
PSOEk Wert gaitzestea eskatuko du
Erredakzioa
Sozialisten esanetan, Hezkuntza ministroak dimisioa eman beharko luke, "ikasle kataluniarrak espainiartu" nahi dituztela esateak "eskuin totalitarioa" gogorarazten duelako.
-
Soraya Rodriguez PSOEren Kongresuko bozeramailea. Argazkia: EITB
PSOEk Jose Ignacio Wert Hezkuntza, Kultura eta Kirol ministroa gaitzestea eskatuko du Kongresuan, "ikasle kataluniarrak espainiartu" nahi dituztela esan zuelako.
Horixe jakinarazi du Soraya Rodriguez PSOEren Kongresuko bozeramaileak Ser irrati-katean egin dioten elkarrizketa batean, ministroak hitz horiengatik dimisioa eman beharko lukeela aldarrikatu aurretik.
"Ez da Hezkuntza eta Kultura ministro izaten jarraitzeko gai", adierazi du buruzagi sozialistak. Rodriguezen arabera, Ministerio horrek aurrera eraman dituen politika "txarrek erreforma ideologiko sakonak ezkutatzen dituzte".
Werten adierazpenei dagokionez, bozeramaile sozialistak uste du "eskuin totalitarioa, denok ahaztu nahi duguna" ekartzen diotela gogora.
