Garcia Ortizek errugabea dela berretsi du: "Ez nik ezta nire ingurukoek ere ez genuen emailik filtratu"
"Ez nik ezta nire ingurukoek ere ez genuen emailik filtratu, begi bistakoa da hori. Horregatik, besteak beste, Estatuko fiskal nagusiak ez du dimisioa eman behar", irmo mintzatu da Alvaro Garcia Ortiz fiskalburua Gorenak sekretuak agerrarazteagatik ikertuko duela jakin berritan. TVEn elkarrizketa egin diote bart, eta bertan egin ditu adierazpenak.
Halaber, eta Fiskaltzak Gonzalez Amador Isabel Diaz Ayusoren bikotekidearen inguruan atera zuen oharrari buruz, nabarmendu du helburua zela hedabideetan zebilen "gezurra ezeztatzea". "Prentsa oharraren helburu bakarra gezurra ezeztatzea zen. Ez dauka zentzurik prentsa oharra egitea, eta, aldi berean, emailak filtratzea. Ez du zentzurik", gaineratu du.
Horren ildoan, adierazi du "berriro" egingo lukeela oharra, baina aitortu du "ondorio arbuiagarriak" izan dituela. "Beraz, uste dut ez nukeela berdin egingo, baina nire egoeran, berriro egingo nuke, prentsa ohar hori beharrezkoa zen. Egia ez zen informazio bat zegoen, eta Fiskaltzaren izen ona zalantzan jartzen zuen", nabarmendu du.
Azaldu duenez, hedabide batean argitaratuta ikusi arte ez zituen ezagutzen Gonzalez Amadorren abokatuaren eta Madrilgo fiskalburuaren arteko emailak. "Tarte horretan —emaila eskatu zituenetik jaso zituen arte— Fiskaltza bezalako erakunde batean jende askok ikusi ahal izan ditu", argitu du. "Nazkagarriak" direla iritzita, filtrazio guztiak ikertzeko deia egin du; "bistan denez, ez dira denak ikertzen", deitoratu du.
Aitortu du "kezkatuta" dagoela Gorenaren erabakiarekin, eta azpimarratu bera ez dagoela "ikertua edo auzipetua". "Autoak dioena da Gorena dela ikertzeko eskumena duena, berak bakarrik iker dezake filtrazioa Estatuko fiskal nagusiak egin ote duen", azaldu du.
Garcia Ortizen aburuz, Fiskaltzak erakunde "indartsua" izan behar du, "jaso ditzakeen erasoei eusteko gai". "Uholde txiki batek ezin du Estatuko fiskal burua eraman, horretarako tsunami bat beharko litzateke; hori da eman behar dugun mezua", esan du.
Fiskalburuak azalpenak emango ditu gaur Salako Fiskalen Batzordean (09:30ean) eta Fiskalen Kontseiluan (16:00etan). Tentsio beteko batzarrak espero dira, Fiskalen Elkarteak (kontserbadorea eta gehiengoa duena) eta Fiskalen Elkarte Independente Profesionalak dimisoa eskatu baitute.
Albiste gehiago politika
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.