PPk dio baduela "informazioa PSOE eta Gobernua mehatxatzen duten ustelkeria kasuei buruz"
Borja Semper PPren bozeramaileak nabarmendu duenez, bere alderdiak badu "informazioa PSOE eta Gobernua mehatxatzen duten ustelkeria kasuei buruz". Informazio horren nondik norakoak zehaztu ez baditu ere, iragarpena egin du Semperrek: "Dena jakingo da azkenean".
"Koldo auzia" tarteko eta legez kontrako finantzazioa, eroskeria eta influentzia trafikoa delituak egotzita, PSOEren kontrako kereila aurkeztu eta biharamunean egin ditu adierazpenak Semperrek, Catalunya Radion egin dioten elkarrizketa batean.
Semperren hitzetan, "nazioartean eta Espainian ondorio asko dituen ustelkeria sarea da, hura ezagutzen hasi baino ez gara egin".
"Esan dezakedana da badugula informazioa", azpimarratu du. "Gobernuarekin tratuak izan dituen jende askoren, enpresaburu askoren eta Gobernuko gertukoen deiak jaso ditugu; gauza asko kontatu dizkigute", erantsi du.
Azaldu duenez, informazio hori guztia "bahetu" eta kontrastatu ostean, erabaki dute auzitegietara jotzea.
PPren bozeramailearen arabera, "ez gara besoak gurutzatuta geratuko, are gutxiago Gobernuak azalpenak ematen ez dituenean". Semperrek uste du "sinesgaitza" dela Pedro Sanchez Espainiako gobernuburuak "Jose Luis Abalosen, alderdiaren "bigarrenaren", ibileren berri ez izatea".
Hala, esan duenez, "Sanchezen dimisioa eskatzeko argudio eta justifikazio sendoak daude".
Sanchez "bere baitan gotortuta, azalpenik eman gabe" ikusten du Semperrek. Areago, horren iritzian, "aurrekonturik gabe, gehiengorik gabe eta ustelkeria kasuek mehatxatuta, aro modernoan Gobernuari eutsi ahal dion buruzagi bakarra da, azalpenik eman gabe, gainera". Semperren aburuz, "edozein presidentek hauteskundeak deituko lituzke" egoera horretan.
Inbestidura bazkideak ere —EAJ, ERC eta Junts— estu hartu ditu PPko eledunak. "Koldo auzia"ren aurrean "erreakzionatzea kostatzen" ari zaiela uste du Semperrek. Dena dela, "gaur-gaurkoz isiltasuna dena erabateko lotsa izango da aste batzuk barru, erreakzionatu beharko dute", ohartarazi du.
Albiste gehiago politika
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.