Kongresuak frankismoa goratzeagatik elkarteak desegiteko legea tramitatzea onartu du

Diputatuen Kongresuak frankismoaren apologia egiten duten elkarteak desegiteko lege-proposamena izapidetzea onartu du, Francisco Franco Fundazioa hain zuzen.

PSOEk aurkeztu du proposamena, eta ohiko bazkideen eta popularren babesa lortu du. Horrela, abian jarri dute elkartzeko eskubidea arautzen duen lege organikoaren erreforma. Helburua elkarte bat desegiteko arrazoi gisa frankismoaren apologia sartzea da, eta 2022ko Memoria Demokratikoaren Legeak ezartzen duena betetzea.

Voxeko 33 diputatuak izan dira kontrako botoa eman duten bakarrak.

Memoria Demokratikoaren Legeak berariaz jasotzen du elkarteen legea aldatzeko betebeharra, estatu-kolpea, diktadura frankista eta "buruzagi frankistak" goraipatzen dituzten elkarteak desegiteko.