Generalitateak ez du baztertu Estatu propioa aldarrikatzea

Kataluniako Gobernua Estatu propioa aldarrikatzea aztertzen ari da, Espainiako Gobernuak itun fiskalari 'ezetz' esan eta gero, Francesc Homs Generalitatearen bozeramaileak jakinarazi dunez.

RAC1 irrati-katean egindako elkarrizketan, aldarrikapen eskaera Parlamentu autonomikora eramano lukeela azaldu du Homsek.

Rajoyren ezetzaren ostean, Kataluniak bi aukera dituela zehaztu du: "dagoen moduan geratzea edo hauteskundeak aurreratzea, ondoren bide bat abiatzeko, Estatu propioarena, kasu".

Horren ustez, "atzera bueltarik gabeko bidea" abiatu da Katalunian, eta, horren ildotik, ez du inolako aukerarik baztertu nahi izan, ezta independentzia erreferenduma deitzea ere.

Artur Masek eta Mariano Rajoy bi orduko bilera egin zuten atzo Moncloako Jauregian.

Generalitateko presidenteak itun fiskalaren aldeko apostua helarazi zion Rajoyri, baina, horrek, Konstituzioarekin bateraezina dela erantzun zion.