Iñaki Iriartek foru parlamentari izateari utziko diola iragarri du UPNk

Iñaki Iriarte UPNko parlamentariak uko egin dio Foru Ganberako aktari "arrazoi pertsonalak, lanekoak eta osasunekoak" direla-eta.

Hala jakinarazi du bere alderdiak ohar batean, eta eskertu egin du Iñaki Iriartek "egindako lana eta erakutsitako dedikazioa".

Alderdi erregionalistak parlamentariak "urte hauetan guztietan izan duen ibilbide politiko eta parlamentario eredugarria" azpimarratu du, "elkarbizitza baketsuaren, giza eskubideen, askatasunaren eta demokraziaren defentsa nekaezina egin duelako. Ez da ahaztu behar Nafarroa foru erkidego propio eta bereizi gisa defendatzeko duen konpromisoa, euskal independentismoaren aurrean".

Erregionalistek onena opa diote Iriarteri, arlo pertsonalean zein profesionalean.