Politika
EUROPAKO HAUTESKUNDEAK
IKER GOMEZ | EITB MEDIA
Hego Euskal Herriko lau hiriburuetako udalek maiatzaren 10etik 13ra bitartean egingo dituzte zozketak, ekainaren 9ko Europako hauteskundeetako mahaiak osatze aldera.
Europako Parlamentua. EFE
Europako hauteskundeak ekainaren 9an egingo dira, eta Hego Euskal Herriko lau hiriburuetako udalek gaur hasi eta astelehenera bitartean egingo dituzte hauteskunde mahaiak osatzeko zozketak.
Hala, Donostiako Udalak ostiral honetan bertan egingo du zozketa, Udalinforen bulegoan (Easo kalea, 41). Ondoren, emaitzak udalaren webgunean argitaratuko dira.
Era berean, Bilboko Udalak ostiral goizean egingo du zozketa.
Bestalde, Gasteizek datorren astelehenean, maiatzak 13, egingo du zozketa, 09:00etan. Botoa emateko eskubidea duten eta irakurtzen eta idazten dakiten 18 urtetik gorako eta 70 urtetik beherako pertsonak sartuko dira zozketan. Emaitzak arratsalde horretan bertan jakinaraziko dira, etxeetara bisitak eginez.
Iruñeko mahaien zozketa datorren astelehenean egingo den ezohiko bilkura batean gauzatuko da, 09:15ean hasita.
Hauteskunde-mahai bakoitzeko 9 pertsona aukeratzen dira. Ez joatea espetxe-delituarekin edo isun-delituarekin tipifikatuta dago: hiru hilabetetik urtebeterako espetxealdia edo sei hilabetetik hogeita lau arteko isuna.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa