Arriola izango da aurrerantzean jarduneko bigarren lehendakariordea, Idoia Mendiaren ordez

EITB Media

Gaurdaino Lan eta Enplegu sailburu izandakoaren kargugabetzea argitaratu du EAEko agintaritzaren aldizkariak. Mendiak dimisioa eman du Europako hauteskundeetan PSOEren zerrendatan joateko. Javier Hurtado Turismo sailburuak hartuko ditu, bestalde, Lan eta Enplegu Saileko eginkizunak.

Orria entzun Orria entzun

Arriola, artxiboko argazki batean. EITB Media

Whatsapp
Whatsapp
twitt
Bidali
Esteka kopiatu

Albisteak (1)

Idoia Mendiak dimisioa eman du Europako hauteskundeetara aurkezteko

Bideoak (1)

Iñigo Urkulluk eskerrak eman dizkio Idoia Mendiari egindako lanagatik: ''Gobernu bakarra…

Idoia Mendia Jaurlaritzako bigarren lehendakariorde eta Lan eta Enpleguko sailburua kargutik kentzeko dekretua argitaratu du gaur, asteartearekin, Euskal Herriko Agintaritzaren Aldizkariak (EHAA). Mendiak dimisioa eman zuen joan den astean, Europako hauteskundeetan PSOEren zerrendatan aurkeztu ahal izateko.

Dekretuaren arabera, Iñaki Arriola Lurralde Plangintza, Etxebizitza eta Garraioetako sailburuak beteko ditu hark Bigarren Lehendakaritzan egiten zituen eginkizunak.

Bestalde, eta jada iragarrita zegoen bezala, Javier Hurtado Turismo, Merkataritza eta Kontsumo sailburuari egokitu zaizkio Lan eta Enplegu Sailaren egitekoak, harik eta hurrengo Jaurlaritza osatu arte.