EAJk eta PSE-EEk eutsi ahalko diote egungo gobernuari, gehiengo osoz

EAJk eta PSE-EEk eutsi ahalko liokete egungo koalizio gobernuari apirilaren 21eko hauteskundeen ostean; izan ere, jeltzaleek eta sozialistek 39 legebiltzarkide batuko lituzkete, eta 38 behar dira gehiengo osoa izateko. 

Oro har, lehen hiru indarren arteko edozein konbinazio ahalbidetzen du aritmetika parlamentarioak. 

EH Bilduk eta PSE-EEk 39 legebiltzarkide batuko lituzkete, eta Sumarrek 40.a gehitu dezake konbinazio honetan. 

Beste aukera bat EAJ eta EH Bilduren artekoa litzateke: eserleku gehien bilduko lituzkeen alternatiba politikoa da, 54 guztira, Legebiltzarraren % 75 hain zuzen ere.  

Nolanahi ere, kontuan hartu behar da ez dela beharrezkoa gehiengo osoa lehendakaria izendatzeko. Bigarren bozketan, aldeko boto gehien jasotzen dituen hautagaia bihurtuko da lehendakari.

Espainiako Gobernuko presidentea hautatzeko gertatzen ez den bezala, lehendakariaren inbestidura saioan hautagai bat baino gehiago aurkeztu daiteke. Gehiengo osoa behar da lehen bozketan, baina besteek baino boto gehiago izatea besterik ez bigarrenean.