Otegi Erkorekaren adierazpenei buruz: "Frogak baditu epaitegira jo dezala, bestela gezurretan ari da"

Arnaldo Otegi EH Bilduko koordinatzaile nagusiaren ustez, "Erkoreka jaunak egindakoa amorragarria da", eta erronka bota dio: "frogak baditu epaitegira jo dezala, bestela gezurretan ari da".

Erkorekak astearte honetan adierazi duenez, Realaren eta Athleticen Kopako partidetan eta Gasteizko martxoaren 3ko manifestazioan izandako istiluak "ez dira kasualitatea" hauteskundeen atarian, eta "norbaitek antolatzen ditu".

"Nori interesatzen zaio joko bikoitza egitea eta erakusleihoan eta atzealdean irudi zibilizatua ematea elkarbizitza eta agian beste alderdi politiko batzuk higa ditzakeen estrategia hori izatea?", galdetu du. "Nik ez dut erantzunik, baina susmoak ditut", erantzun dio bere buruari.

1:57

Indarkeria erabiliz istiluak sortzen dituzten talde horien atzean ''zein sigla'' dagoen galdetu du Erkorekak

Otegik, Tele7n egindako elkarrizketa batean, EH Bilduren ohar baten arabera, erantzun dio bere indar politikoak ez duela "zerikusirik istiluekin", eta ez duela horietan "inolako interes politikorik". "Polizia-ereduaz hitz egiteko eskubidea dugu. Zein da polizia-ereduaz hitz egiteko arazoa?", galdetu du. Hala ere, horren inguruko "eztabaida lasaia egingo dugu", ziurtatu du.

Buruzagi abertzalearen ahotan, Erkoreka "gezurrezkoa den gauza bat iradokitzen saiatzen ari da. Agian, Erkoreka jaunaren arazoa da ez duela polizia-sektorea kontrolatzen. Horrelako adierazpenak egitea oso arduragabea da".

"Hauteskunde kanpaina lokaztu nahi al dute? Norbait eremua lokazten saiatuko da, Osakidetzaz eta jendearen benetako arazoez hitz egin ez dadin", esan du.

.@ArnaldoOtegi: «Me parece indignante lo que ha hecho el señor Erkoreka. Si tiene pruebas que vaya al juzgado, si no está mintiendo».

¿¿ Entrevista en @Tele7Noticias al Coordinador General de EH Bildu: https://t.co/joq3g4JWTH pic.twitter.com/qfLvJ6ncaV

— EH Bildu (@ehbildu) March 5, 2024