Marisol Garmendia izango da Espainiako Gobernuak EAEn duen ordezkaria, Denis Itxaso ordezkatuz

AGENTZIAK | EITB MEDIA

Itxasok kargua utziko du, PSE-EEren Gipuzkoako zerrendaburua izango baita Eusko Legebiltzarrerako hauteskundeetan. Gaur egun, Donostiako bigarren alkateorde denak bi astean hartuko du kargua, segur aski, martxoaren 12an.

Orria entzun Orria entzun

Marisol Garmendia, gaur Donostian eskaini duen prentsaurrekoan. Argazkia: EFE

Whatsapp
Whatsapp
twitt
Bidali
Esteka kopiatu

Marisol Garmendia Donostiako Udaleko zinegotzi sozialista eta bigarren alkateordea dena izango da Espainiako Gobernuak Euskal Autonomia Erkidegoan duen ordezkaria. Denis Itxaso ordezkatuko du karguan, PSE-EEren Gipuzkoako zerrendaburua izango baita Eusko Legebiltzarrerako hauteskundeetan.

Itxasok berak baieztatu du bere ordezkoa izango denaren izena Radio Euskadin egin dioten elkarrizketan. "Nire ustez, errelebo ona izango da", gaineratu du. Lehenengo emakumea izango da Espainiako Gobernuaren EAEko ordezkari postuan, eta euskalduna da.

Aldaketa pare bat astean gauzatuko dela aurreikusi du Itxasok. Azaldu duenez, martxoaren 12ko Ministroen Kontseiluan izendatu dezakete ordezkari berria.