Gobernuaren urteko lehen dektretuak bozkatuko ditu Kongresuak asteon, eta Junts, oraingoz, ezezkoan dago

Urte berriarekin batera sortu zaio lehen arazoa Pedro Sanchezen gobernuari Espainiako Diputatuen Kongresuan. Izan ere, Ministroen Kontseiluak onartu eta indarrean jarri dituen lehendabiziko dekretuek diputatuen gehiengoaren onarpena lortu beharko dute. Asteazkenean izango da saioa, eta gaur-gaurkoz ez daukate Juntsen babesik.

Hala ere, sozialistek ziurtzat jotzen dute dekretuak onartuko direla. Juntsekin elkarrizketa "etengabeak eta diskretuak" dituztela esan du igande honetan Patxi Lopezek, PSOEren Kongresuko bozeramaileak: 

0:36

Patxi Lopez: ''Ez litzateke ulertuko gobernu aurrerakoia babestu duenak neurri aurrerakoiak ez babestea''

Baina Puigdemonten alderdia ez da oztopo bakarra. Izan ere, Sumarretik Talde Mistora alde egindako Podemoseko bost diputatuek ere trabak jar ditzakete, baldin eta langabeziaren subsidioaren erreformak 52 urtetik gorakoen pentsioen kotizazioetan murrizketa badakar.

Besteak beste, pentsioak handitzea, elikagaien BEZa jaistea eta garraiorako laguntzak eta fortuna handien gaineko zerga mantentzea jasotzen dute dekretu horiek.