Albiste izango dira: Zentsura mozioa Iruñean, Zeledon berria eta Inozente eguna

Honako gai hauek hartuko dituzte gaur, abenduak 28, hedabideetako lerroburu nagusiak:

-Zentsura mozioa Iruñean: Iruñeko Udalbatzak gaur eztabaidatuko du Cristina Ibarrola alkatearen aurkako zentsura mozioa. Abenduaren 13an aurkeztu zuten EH Bilduk, PSNk, Geroa Baik eta Talde Mistoak. Eztabaida eta bozketa 12:00etan hasiko dira udaletxeko Osoko Bilkuren Aretoan. Udalbatza berezia zuzenean jarraitzeko aukera izango da eitb.eusen bidez. 

-Zeledon berria: Gasteizko Blusa Mutil eta Nesken Elkarteak duela gutxi aukeratu duten Zeledon berria (Iñaki Kerejazu) aurkeztuko dute gaur, San Miguel elizaren atarian.

-Inozente eguna: Ingurukoei adarra jotzeko eguna da gaurkoa. Ohiturari eutsiz, komunikabideek ere izango dute albiste faltsuren bat edo beste. Adi, beraz, eitb.eus webguneko berriei, ziria sartzerik nahi ez baduzue!