"Iruñea ez dago salgai" lelopean, zentsura mozioaren aurkako kontzentrazioa egingo du UPNk abenduaren 17an

AGENTZIAK | EITB Media

Igandean, 12:00etan, Iruñeko Udaletxe plazan egingo den mobilizazioan parte hartuko duela iragarri du Alberto Nuñez Feijoo PPko buruak.

Orria entzun Orria entzun

Javier Esparza UPNren Batzorde Exekutiboren atzoko bileran. Irudia: EITB Media

Whatsapp
Whatsapp
twitt
Bidali
Esteka kopiatu

Cristina Ibarrolaren aurkako zentsura mozioaren aurrean, "Iruñea ez dago salgai" lelopean igande eguerdirako kontzentrazioa deitu du UPNk Iruñeko Udaletxe plazan, eta bertan parte hartzera animatu ditu herritarrak.

Elkarretaratzea 12:00etan egingo da Udaletxe plazan, alderdi erregionalistak X sare sozialean iragarri duenez. "Zatoz! Manifestazio zibikoa egingo dugu erabaki honen aurka gaudela erakusteko", dio mezuak.

¿ PAMPLONA NO SE VENDE ¿

Concentración contra la moción censura y el pacto del PSOE con EH Bildu.

¿ Domingo 17
¿ 12:00 horas
¿ Plaza Consistorial

¡Ven! Nos manifestaremos cívicamente todos para mostrar nuestro rechazo a esta decisión. Pásalo. pic.twitter.com/ZW9magCcCz
— UPN (@upn_navarra) December 14, 2023

UPNk zentsura mozioaren kontra iragarritako bi mobilizazioetako bat da igandekoa. Izan ere, bigarrena abenduaren 28an izango da, hain zuzen ere, Iruñeko Udalean mozioa eztabaidatuko duten egunean.

Nafarroako PPk mobilizazio horiek babestuko dituela aurreratu du. Halaber, Iruñera joango dela iragarri du Alberto Nuñez Feijoo PPko buruak.