Vox, PSOE eta PP hartuko ditu gaur Felipe VI.ak inbestidurarako bilera sortaren baitan
Espainiako Gobernuko hurrengo presidentea aukeratzeko inbestiduraren aurretik egin ohi duen bilera sortari amaiera emango dio gaur, asteartea, Felipe VI.a erregeak. Bilera hauetan, Diputatuen Kongresuan hautagaitza duten alderdietako ordezkariak hartzen ditu. Gaur, Santiago Abascal Voxeko presidentea (10:30), Pedro Sanchez PSOEko idazkari nagusia (12:00) eta Alberto Nuñez Feijoo PPko presidentea (16:00) hartuko ditu.
Atzo, astelehena, UPN, Coalicion Canaria, EAJ eta Sumarreko ordezkariekin bildu zen estatuburua. Yolanda Diaz Sumarreko liderrak bere alderdiak Pedro Sanchez PSOEren presidentegaia babestuko duela jakinarazi zion. Kongresuko Mahaia eratzeko orduan izandako gehiengoa errepikatzeko aukera ikusten du Diazek, eta, horren aurreikuspenen arabera, "negoziazioak ez dira errazak izango" baina PSOEko liderrak "behar dituen babesak lortuko ditu".
Aitor Esteban jeltzaleen ordezkariak, bere aldetik, EAJk ez duela Feijoo babestuko adierazi omen zion estatuburuari (ez zuen adierazpenik egin). "Ez dugu bozkatuko Vox behar duen edozein konbinazio", esan ei zion, eta Sanchezen inbestidura negoziatzeko prest agertu zen.
Javier Esparzak (UPN), ordea, PPren hautagaiaren alde bozkatuko lukeela esan zion erregeari. UPNk nahiago du hauteskundeak errepikatu "EH Bilduk babestutako Gobernua" osatzea baino.
Azkenik, Cristina Valido Coalicion Canariako ordezkariak Feijoori babesa emango diola jakinarazi zion, baina, aldi berean, Sanchezen alde bozkatzeko prest agertu da, horrek bere eskaerak betetzeko konpromisoa hartzen badu.
EH Bilduk, ERCk, Juntsek eta BNGk uko egin diote monarkarekin biltzeari.
Bi egun hauetan alderdien azalpenak entzun ondoren, Gobernuko presidente izendatzeko hautagaia proposa dezake estatuburuak, inbestidura gaindituko duen hautagai argirik ikusten badu. Feijoo hautagai popularra eta Sanchez sozialista inbestidurara aurkezteko prest agertu dira, baina, oraingoz, bietako batek ere ez du gehiengoa izateko akordio nahikorik lortu.
Lehen errondaren ostean Felipe VI.ak inor ez proposatzea erabakiko balu, beste bilera sorta bat deitu dezake egun batzuk geroago.
Albiste gehiago politika
Dimisioa eman du Jose Maria Angel goialdeko depresiorako komisarioak, haren curriculumak sortutako polemika dela eta
Buruzagi sozialistaren esanetan, ez du inoiz dokumenturik faltsutu. Bere ohorea eta ibilbide publikoa kaltetu dituen "justifikaziorik gabeko erasoa" ere salatu du.
Cuelgamurosen zeuden Gasteizko soldadu baten gorpuzkiak eman dizkiote familiari
Memoria Demokratikorako Estatu idazkariak adierazi duenez, "Gobernuak hartutako konpromisoari eutsiko dio, biktima guztiak hobitik ateratzeko, senideek hala eskatzen badute".
Imanol Pradales: "Diaspora aktiboa behar dugu munduan aliantzak lortzeko"
Lehendakariak adierazi du Boiseko Jaialdira egin duen bidaiaren helburuetako bat "Euskadi globala" lortzeko bidean aurrera jarraitzea dela, eta azpimarratu du esparru guztietan aliantzak sortzeko diasporaren zereginaren garrantzia.
GOIDIAren biktimek diote Feijook erantzun diela ezin duela Mazon kargutik kendu, eta agintean jarraitzea defendatzen duela
PPko buruak biktimen elkarteei adierazi dienez, "ez zen larrialdiaren kudeaketan eraginkortasun gabeziarik egongo" berak gobernatu izan balu.
Aurreskuarekin egin diote harrera Imanol Pradales lehendakariari Boiseko aireportuan
Imanol Pradales lehendakaria Boisera iritsi da 2025eko Jaialdian parte hartzeko, euskal diasporak Euskaditik kanpo egiten duen topaketarik handienean, alegia. Jaialdiaren antolatzaileen batzordeak harrera egin dio,eta aurresku batekin hasi da lehendakariaren agenda bete-betea, kultur, erakunde eta komunitate ekitaldiez betetako aste bati hasiera emanez.
Servinabarrek 22.000 euro eman zizkion Cerdanen arrebari, eta 68.000 euro, Oscar Arizcuren UPNren presidenteorde ohiari
Hori omen dakar Nafarroako Foru Ogasunak Leopoldo Puente Auzitegi Goreneko magistratuaren esku jarri duen dokumentazioak.
Gorenak ez du onartu Koldo Garciak bere audioak argitaratzea debekatzeko egindako eskaria
Instrukzioko epaileak adierazi du ez duela eskumenik kautelazko neurri horiek hartzeko, eta auzipetuari gogorarazi dio horixe bera adierazi zuela Santos Cerdanek audioak oso-osorik ateratzeko eskaera egin zuenean. Audioak hiru telefono mugikorretan eta grabagailu batean aurkitu zituzten, Garciaren etxean, eta, atera ondoren, aldeei entregatu zaizkie.
Auzitegi Goreneko hiru magistratuetatik bik epaiketaren atarian jarri dute Estatuko fiskal nagusia
Hirugarren magistratuak boto partikularra eman du, fiskal nagusiaren aurkako auzia artxibatu behar zela iritzita, Gonzalez Amadorren kasuari buruz aurretik ezagutzen ez zen daturik eman ez zuelako.
Boiseko Jaialdia, AEBko diasporarekin harremanak sendotzeko aldia
Euskal erakundeen ordezkaritza bat, Imanol Pradales lehendakaria buru, Boisen izango da gaurtik abuztuaren 3ra bitartean. Idahoko erakundeekin lankidetza estutzea izango dute helburu, AEBko euskal komunitateari babesa ematearekin batera.
25 urte bete dira ETAk Juan Mari Jauregi hil zuela
ETAk Juan Mari Jauregi hil zuela 25 urte bete dira gaur. Haren alargunak eta alabak gizon adeitsu, ausart eta elkarrizketarako prest bezala gogoratzen dute, baita desberdin pentsatzen zutenekin ere. Mende laurden geroago, ETA desagertuta dagoela, biek egia eta memoria eskatzen jarraitzen dute indarkeria hark utzitako zauriak ixteko.