Auzitegi Nazionalak uko egin dio Troitiño aske uzteari

Auzitegi Nazionalak uko egin dio Antton Troitiño ETAko kidea behin behinean libre uzteari, ebazpen "irmoa" duelako bere kontra.

Erantzun horixe eman dio Auzitegiak Ministerio Publiko britainiarrari. Troitiño atxilotzeko agindua bertan behera uztea iradoki dio Fiskaltzak Auzitegi Nazionalari aginduaren oinarria Parot dotrina delako, eta gutxienez Europako Giza Eskubideen Auzitegiaren ebazpena irmoa izan arte Troitiño behin behinean libre uztea eskatu dio. Izan ere, Espainiako Gobernuak helegitea iragarri du ebazpenaren kontra.

Europako Giza Eskubideen Auzitegiaren ebazpenak "irregular" jo zuen Parot dotrina, eta Ines del Rio ETAko kide ohia aske uztea eskatzen zuen.

Horren harira, Auzitegi Nazionalak berretsi du "Espainiako Estatuak ebazpenaren kontrako helegitea jartzeko asmoa" duela.